Data Privacy Statement Ug-Runyakore

WATU CREDIT UGANDA LIMITED: EKIHANDIIKO KY’OKUMANYISA AHA BIRIKUKWATA AHA KURINDA AMAKURU N’EBIHAMA

Titurikujunaanwa ahabw’amakuru agari ahAppu y’aha simu  

Amakuru agarikworekwa aha appu yaitu y’aha simu gagyendereire kuhwera abarikugakoresakandi tigashemereire kutwarwa nk’agarikukwatisa ebiragiro. Appu y’aha simu ekozirwen’ekigyendererwa ky’okuha amakuru kyonka kandi neebaasa obuteemariirira omu kworekaebirikukwata aha rooni. Abarikukoresa Appu nibamanyisibwa ngu amakuru agari aha Apputigarikubaasa kwejunisibwa kuta orubanja aha kampuni ya Watu Credit LTD nka kampuni omumushango ogwa buri muringo. Baakasitoma abarikwenda amakuru agarikwikirizibwa omubiragiro nainga abaine ebi barikwenda kubuuza, nibashabwa kuhikiirira Abahwezi babaakasitoma aba kampuni ya Watu.

Ekihandiiko ky’okumanyisa aha birikukwata aha kurinda amakuru n’ebihama

Ekihandiiko eki ekirikushoboorora okurinda amakuru n’ebihama nikikuha amakuruagarikworeka omuringo n’ekigyendererwa eki kampuni ya Watu n’ebitongore ebindi ebikampuni erikukorengana nabyo omu mahanga gatari gamwe (byona hamwe omu kihandiiko ekiebirikwetwa “Watu” “itwe”) erikwija kukoresamu amakuru agarikukwata aha muntu. Nikigarukakishoboorora obugabe bwawe oburikukuheebwa omu biragiro ebirikurinda amakuruagarikukwata aha bantu ebirikumanywa nka The Data Protection and Privacy Laws, n’ebiragiroebindi byona ebiine akakwate n’ebintu bitari bimwe ebi kampuni erikukoramu. Nitugumizamun’okwehayo kukorera omu mazima n’okurinda amakuru agarikukukwataho omu buryo burungi, turikukuratira ebiragiro byona n’okugyendera aha mazima n’okurinda amakuruagarikukukwataho.

Ahabw’ebigyendererwa by’ekihandiiko eki ekirikushoboorora okurinda amakuru n’ebihama, “amakuru agarikukwata aha bantu” nikimanyisa amakuru goona agarikukwata aha muntuorikumanywa nainga orikubaasa kwija kumanywa.

1. Entandikiriro

1.1. Kampuni ya Watu Credit Limited neekoresa munonga amakuru ahu erikushwijumakandi ekakoresa amakuru agarikukwata aha bantu kuhikiiriza ebigyendererwa byayoebikuru ebirimu okukora endagaano z’okutunga rooni y’okugura ebintu ezirikuheebwaabantu ba buriijo.

1.2. Omu kampuni ya Watu, nituta ekitiinisa omu kurinda ebihama by’abantu kanditumanya omugasho gw’amakuru agarikukwata aha bantu agu baakasitoma baitubatuhaire, ag’abakozi baitu n’abandi abu turikukorengana nabo. N’obujunaanizibwabwaitu kukoresa n’okurinda amakuru agarikukwata aha bantu omu muringo murungi, turikukuratira ebiragiro ebirikurinda amakuru n’ebindi ebiine akakwate. 

1.3. Ekihandiiko eki ekirikushoboorora okurinda amakuru n’ebihama nikishoboororaamakuru agarikukwata aha muntu, agu turikurundaana, oku turikugakoresa, kandin’ekigyendererwa ky’okugakoresa kandi n’abantu abu turaije kworeka amakuruagarikukukwataho omu nkorengana ei twine nabo. Ekihandiiko nikyongyerakishoboorora oku kampuni ya Watu erikutwazamu amakuru agarikukukwataho agueine hamwe n’oburyo obu Watu etaireho kurinda amakuru gaawe. Okwongyerera ahariebi, ekihandiiko eki kirimu amakuru agarikukwata aha bugabe obu oine obwineakakwate n’okukoresa amakuru agarikukukwataho.

1.4. Nitubaasa kuguma nituhindura omu kihandiiko eki ekirikushoboorora okurindaamakuru n’ebihama aha nyima y’obwire, ahabw’okwenda ngu tuhikiirize ebiragiroebirikubaasa kuba bihindwirwemu nainga kurugiirira aha ku emirimo omu bizinesizaitu erikutambura.  Nitwija kuba nitutereeza empinduka zoona eziraakorwe aha website yaitu, Appu, endagaano hamwe n’engyenderwaho zaitu. Omuringogw’ekihandiiko eki oguhererukireyo kushohozibwa nigwija kukoresibwa omu mwanyagw’ekihandiiko ekitwire nikikoresibwa, kureka enkora endiijo yaaba eyorekirwe kandineija kuba neeheebwa kumanyisa abantu boona. Nitwija kukumanyisa ebintu ebikuruebirahindurwe omu kihandiiko eki kurabira omu butumwa bw’okumanyisa obuturikuta aha website yaitu nainga kurabira omu muhanda gw’okuheereza amakuruogundi gwona ogurikukora kurungi. 

1.5. Ekihandiiko ky’okushoboorora okurinda amakuru n’ebihama nikikwata n’ahabagyenyi baitu abarikwija aha ofiisi zaitu nainga abarikuza aha website yaitu, baakasitoma, abarikutuguza ebintu, ba agyenti, abakozi baitu n’abandi boona abuturikukorengana nabo. 

2. Okushoboorora ebigambo ebikoresiibwe

2.1. “Itwe” nikimanyisa kampuni ya Watu Credit Limited (Kampuni n’ebitongore ebindiebi kampuni ya Watu erikukorengana nabyo). 

2.2. Orikukurira okurinda amakuru n’omuntu otairweho kampuni kukuratirira kuhikiirizaebiragiro ebirikurinda amakuru n’ebihama n’ebiragiro ebindi ebitairweho ahansiy’ebitongore bitari bimwe ebirikukora ebiragiro. 

2.3. Okurundaana amakuru nikimanyisa kutunga amakuru agarikukukwataho.

2.4. Amakuru agarikukwata aha muntu nikimanyisa amakuru agarikukutaanisa aha bandi,agarimu amaziina, enamba y’endanga-muntu, agarikworeka ahu orikutuura, ebiorikukorera aha intaneti, hamwe n’ekintu nka kimwe nainga kurengaho ebirikkwataaha magara gaawe, ekyemerero, akarandu k’obuzaare, amagara g’omu biteekateeko, ebyentaasya, ebyobuhangwa, nainga emitwarize y’obuhangwa; byona hamweebirikushoboorora omuntu. Amakuru agarikukukwataho agu turikurundaana nigaijakurugiirira aha nkorengana ahagati yaiwe na itwe ei twine. Nitubaasa kurundaanaamakuru agarikukukwataho nainga agarikukwata aha bantu abandi abakwinehoakakwate, tugakorese, tugabiike nainga tugate omu myanya endiijo. 

2.5. Okukoresa amakuru nikimanyisa byona ebirikukorwa aha makuru agarikukukwatahoebirikubaasa kuba omu muringo ogwa tekinorogiya ebirimu ebi: kukungaanyaamakuru, kugahandiika nainga kugata aha butambi, kugatereeza, kugabiika, kugahindura, kugakyebera nainga kugakoresa, kugooreka abantu abandi, kugajanjaazanainga kugata omu mwanya ahu garikubaasa kureebwa, kugatereeza naingakugajwanzya, kugataho obukomo nainga kugasangura nainga kuganaga. 

2.6. Amakuru ag’ekihama agarikukwata aha muntu n’amakuru agarikworeka obukomookobwawe, ekibiina ky’ebyobutegyeki, ebyobukugu, n’okworeka amakuru agarikworekaakarandu k’obuzaare, amakuru agarikukutaanisa aha bandi, amakuru agarikukwata aha mbeera y’amagara g’omubiri, n’amakuru agarikworeka yaaba ori omushaija naingaomukazi. 

2.7. Abandi abarikukwatwaho n’omuntu nainga abantu nainga ekitongore ekirikukorank’abantu omu biragiro, ekya gavumenti nainga eky’abantu buntu, ekibiina, naingaekitongore eky’omuringo ogundi ekitarimu iwe nainga kampuni ya Watu,ekiikiriziibwe kampuni ya Watu kukora aha makuru agarikukukwataho.

2.8. Iwe nainga imwe: 

2.8.1. N’omuntu weena ohanwire emwe nainga zimwe aha appu zaitu ez’ahasimu. 

2.8.2. N’omuntu weena okozire endagaano na kampuni ya Watu. 

2.8.3. N’omukozi weena ou kampuni ya Watu ehaire omurimo. 

2.8.4. Ni agyenti weena nainga omushuubuzi okozire endagaano na kampuni yaWatu kandi orikumanywa nk’orikuguza nainga agyenti kurugiirira omubiragiro ebirikukuratirwa ebiine akakwate n’ebyobushuubuzi. 

2.8.5. N’omugyenyi weena (otwariiremu abarikukora endagaano kukora emirimonainga abarikukorera ahansi yaabo nainga abandi abarikukwatwaho) orikuhika ahari gumwe omu myanya ei kampuni ya Watu erikukoreramu.  

2.8.6. N’orikuha ebintu nainga obuheereza weena okozire endagaano na kampuniya Watu kugiha ebintu nainga obuheereza. 

2.8.7. Ni rooya weena orikuruga aheeru ya kampuni okozire endagaano nakampuni ya Watu kugiha obuheereza. 

2.8.8. N’omuntu ondiijo weena orikuha obuheereza nainga ekitongoreky’obuheereza bw’ebyesente ekikozire endagaano na kampuni ya Watu. 

2.9. “Okukoresa amakuru” okutwarira hamwe nikimanyisa okukora aha makuru, kugarundaana, kugakoresa, kugahindura, kugagaitirana, kugahisya, kugatereeza, kugajanjaaza nainga kugworeka, kugarinda, kugaiha, kugworeka, kugasangura, kugabiika omu bihandiiko ebirikumara obwire buraingwa, kuganaga naingakweyihaho amakuru agarikukukwataho. 

3. Ebintu ebikuru ebirikukuratirwa omu kurinda amakuru agarikukwata aha muntu omukampuni ya Watu birimu ebi:  

3.1. Titurikusherekyerera muringo ogu turikukuratiriramu ebiragiro ebiine akakwaten’okurinda amakuru. 

3.2. Nitukyendeeza amakuru agarikukwata aha bantu agu turikurundaana n’okugakoresank’oku kirikutwetengyesa omu biragiro. Amakuru agu turikukwihaho nigaba gari ag’ekigyendererwa ekirikumanywa kandi ekirikwikirizibwa omu biragiro kandiamakuru agarikukukwataho tigarikwija kwongyera kukoresibwa omu muringoogutaine kakwate n’ekigyendererwa eki gatungiirwe. 

3.3. Nitukoresa amakuru ag’ekihama agarikukwata aha muntu gaaba nigo garikubaasakushoboorora kurungi eki turikwenda kugakoresa kandi kirikugyendera aha biragiro. 

3.4. Nituhandiika ebirikukwata aha bantu ebyo byonka ebirikwetengwa kuhikiirizaekigyendererwa ekirikubaasa kuhikiirizibwa omu kukoresa amakuru ago. 

3.5. Nitumanyisa abantu emiringo y’amakuru agarikubakwataho agu turikubiihaho n’okuamakuru ago garaije kukoresibwa.

3.6. Nitutwara amakuru agarikukwata aha bantu nk’ag’ekihama kandi tukoresa oburyobw’ekikugu bw’okugarindamu kugira ngu gatabura nainga kugakoresa omu muringoogutarikwikirizibwa mu biragiro. 

3.7. Nitubiika amakuru agarikukwata aha bantu kumara obwire obu garikwetengwakuhikiiriza ekigyendererwa eki garundaniirwe kyonka, nainga obwire oburikuragiirwaomu biragiro by’eihanga. 

3.8. Ahu turikureeba ngu okukoresa amakuru agarikukwata aha bantu nikibaasa kureetaakabi aha bugabe bwabo, nitwija kushwijuma ebirikubaasa kurugiirira omu kurindaamakuru, kandi ku twakushanga kirikwetengyesa, tuteho oburyo burungibw’okugarinda turikugyendera aha buhabuzi bwa ofiisi y’eihanga rya Uganda erikurinda amakuru, erikumanywa nka Data Protection Office, nainga ey’omu ihangaerindi ryona eri turikukoreramu. 

3.9. Ebi turikukoresa n’enkora ei turikukuratira omu kukora emirimo neehwera kurindaamakuru agarikukwata aha bantu. Nitubiika ebihandiiko ebirikworeka oku emitwarizen’enkora ei turikukuratira birikukora nk’oku turikuba tugyendereire ngu bikore. 

3.10. Ahu turikutunga abarikukora aha makuru agarikukwata aha bantu kuruga aheeru yakampuuni, nituta obushonshorekye bw’okurinda amakuru omu ndagaano ei turikukoranabo. 

4. Ahabwenki nitukwihaho amakuru agarikukukwataho? 

Nitukwihaho amakuru agarikukukwataho ahabw’okwenda kuhikiiriza ebigyendererwa ebiahaifo: 

4.1. Twaba nitwenda kuhikiiriza endagano ei turi haihi kukora naiwe nainga ei tukozirenaiwe. 

4.2. Kushwijuma yaaba noohikiiriza ebirikwetengwa kubaasa kutunga obuheereza bwaitunainga ebintu ebi turikuha. 

4.3. Waaba noikiriza ngu tukorese amakuru agarikukukwataho. 

4.4. Twaba nitwetenga kuhikiiriza ebirikwetengwa omu biragiro n’okwerinda hamwen’okurinda baakasitoma baitu okwibwa. 

4.5. Twaba nitwetenga kurinda ebigyendererwa byawe ebikuru n’ebigyendererwaby’abandi abarikukwatwaho (ekyokureeberaho waaba noohandiika abu orikureebereranainga abarikubaasa kushashura ebirikugambwaho omu ndagaano). 

4.6. Kyaba nikyetengyesa kuhikiiriza ebigyendererwa byaitu (nainga eby’abantu abandiabarikukwatwaho) nk’okurinda ebihandiiko byaitu, kutunguura oburyo bw’okukoramuemirimo, kushwijuma n’okwongyera omutindo gw’obuheereza bwaitu, kumanya akabiakarikubaasa kubaho, kwongyera omutindo gw’okutwazamu baakasitoma baitu, hamwe n’okumanya ebi baakasitoma baitu barikwetenga. 

4.7. Kutaho ebirikwetengyesa kutunga n’okurinda obugabe bwaitu oburikutuheebwa omubiragiro, ekyokureeberaho twaba nitushabwa kushashura nainga twaba nitushabakushashurwa kurugiirira omu biragiro. 

4.8. Kurangirira ebintu bisya n’obuheereza busya obu twine (yetegyereze ngu waabaotarikwenda kutunga amakuru gaitu agarikuranga ebintu, noobaasa kukishazamuorikutumanyisa eshaaha yoona). 

4.9. Kukwoherereza amakuru g’omugasho nk’empinduka omu biragiro, obushonshorekyen’engyenderwaho, ebirikushemeza abarikugura, okushara aha mihendo, kumanyarooni esigaireyo, nainga ebirikukorwa ebindi ebitari bya buriijo ebiine akakwaten’endagaano ei okozire naitwe. 

4.10. Ku waakushaba omurimo kukora omu kampuni ya Watu, nainga twareeba ngunoobaasa kuba omuntu ou turikubaasa kukoresa, nitubaasa kukoresa amakuruagarikukukwataho kukushwijuma n’okukuhikiirira kukumanyisa omugishagw’okutunga omurimo oguriho. 

4.11. Ku turikutunga amakuru agarikukukwataho kuruga omu bantu abandi, nitubaasakugakoresa kwongyerera aha makuru agu otuhaire nainga kutangira okwibwaokurikubaasa kubaho. 

4.12. Kutuhwera kukuhandiika kutunga obuheereza bwaitu n’okukyebera kumanyaebirikukukwataho n’okutunga obushoboorozi obu oine kukoresa obuheereza bwaitu. 

4.13. Kukora aha nshonga z’okwibwa n’oburinzi, nainga kucondooza aha kwetomboitwaokurikuba kukozirwe nainga obushuma oburikubaasa kuba bubaireho, naingaebikoriirwe aheeru y’ebiragiro. 

4.14. Kukuratirira n’okushwijuma emyanya ei abantu barikutuhikiiriramuahabw’ekigyendererwa ky’okutereeza emirimo, ebi turikukora, kugyezesa, n’okutungaobuhwezi. 

4.15. Kukorengana na gavumenti, ebitongore by’emishoro nainga ebitongore ebindiebirikukuratirira emirimo erikukorwa, kooti z’ebiragiro nainga abandiabarikukwatwaho n’okubagarukamu ebi barikushaba n’okubooreka ebi turikukoranainga ekindi kyona ekirikukorwa. 

5. Nooha ou turikwihaho amakuru agarikumukwataho? 

Nitukwihaho amakuru agarikukukwataho ahabwokuba ori kasitoma waitu nainga omuntuondiijo ow’omuhendo ou turikukorengana nawe. 

6. Nitukwihaho tuta amakuru agarikukukwataho? Nitukwihaho amakuru agarikukukwatahoorikukimanya kandi oikiriize. Nitubaasa kukwihaho amakuru agarikukukwataho kurabiraomuri emwe omu miringo egi ahaifo: (Yetegyereze ngu orunyiriri oruhairwe ahaifotirurikumarayo emiringo erikubaasa kwejunisibwa): 

6.1. Kuruga ahari iwe weenyini, nka waaba nookora naitwe endagaano nka kasitomanainga orikuza kukora omurimo; 

6.2. Waataayaayira ofiisi zaitu nainga waaza aha website yaitu,

6.3. Waahanura appu yaitu aha intaneti okeehandiikisa,

6.4. Waikiriza kutunga amakuru agu turikwohereza, 

6.5. Waayehandiikisa kwejumba omu birikukorwa nainga waashaba omurimo, 

6.6. Kuruga omu miringo endiijo nk’okuruga omu bandi abu turikukorengana nabo omubizinesi,

6.7. Kurabira omu kutunga amakuru kuruga aha website yaitu. Niturundaana amakuruturikukoresa tekinorogiya yaitu erikutunga amakuru aha intaneti eya cookies natekinorogiya ezindi ezirikushushana nk’egyo. Noobaasa kumanya ebirikukirahokuruga aha tekinorogiya yaitu erikutunga amakuru aha intaneti eya cookiesn’engyenderwaho ya website yaitu, 

6.8. Kuruga omu myanya erikworeka amakuru agarikukwata aha bantu erikuhikwa abantuboona erimu egi: 

6.9. Amakuru agarikutaanisa abantu kuruga aha bantu abandi n’agari omu ndagaanoagarikuruga omu gavumenti ya Uganda agari aha intaneti hamwe n’amakuruagarikuruga omu bitongore ebirikuhandiika abantu nk’oku kirikukorwa omu mahangaagandi ahu amakuru agarikukukwataho gaatungirwe. 

6.10. Amakuru agarikutaanisa abantu kuruga aha bantu abandi n’agari omu ndagaanokuruga omu myanya erikworeka amakuru agarikukwata aha bantu erikuhikwa abantuboona nk’omu kitongore ekirikuhandiika amakampuni n’ekirikuhandiika zaabizinesi.

6.11. Endagiriro, amakuru g’okushashura n’okugura kuruga omu kuhandiikisa amatakan’omu makorero, ekyokureeberaho amakuru agarikworeka amabanja, ebitongoreebirikutangira okwiba, n’abarikuha obuheereza bwa tekinorogiya, obuheerezabw’okushashura n’okutwarira abantu ebiguzirwe. 

6.12. Abakugu omu byamagara n’omu marwariro. 

6.13. Kuruga aha social media – twareeba ngu noobaasa kuba omuntu ou kampuni yaWatu erikubaasa kukoresa, nitubaasa kuba tutungire amakuru agarikukukwatahokuruga omu bantu abandi nk’abarikuha emirimo, nainga website ezindi.  

6.14. Kuruga aha muntu weenyini. 

6.15. Kuruga aha muntu orikushaba kushashurwa nainga kushaba kuheebwa obuheerezakandi amakuru ago nigabaasa kubamu amakuru agarikukukwataho, againe akakwaten’okushaba kushashurwa nainga kushaba kuheebwa buheerereza.

6.16. Kuruga omu bantu b’omu famire yaawe baaba nibabuuza aha kugura ekintu naingabaakukoresa nk’omuntu orikubaasa kuhikiirirwa. 

6.17. Kuruga omu bikwasirwe aha butambi bwa kamera z’ebyokwerinda. Harihozaakamera ezitairwe omu myanya etari emwe aha ofiisi za kampuni ya Watukukoresibwa omu by’okwerinda. 

Waasharamu kuhurizana naitwe omu muringo gwona ogurikugambwaho omu kacweka 6.0 akari aharuguru, nooba nookikora orikukimanya kurungi kandi orikwikiriza ngu nitwijakukwihaho amakuru agarikukukwataho kandi tugakorese. Ku orikwikiriza kutuha amakuruagarikukukwataho, nooba waatwikiriza kukungaanya amakuru agarikukukwataho, kugatereeza, kugabiika, kugooreka abandi, n’okugata omu myanya endiijo nk’okukirikushoboororwa omu kiragiro ekirikurinda amakuru ekirikumanywa nka the Data Protection Act n’omu biragiro ebindi ebirikukwatwaho. 

7. Niturundaana makuru ki agarikukwata aha muntu? Amakuru agarikukwata aha muntu aguturikukoresa garimu aga: 

7.1. Amakuru agarikutaanisa omuntu kuruga aha bantu abandi nk’amaziina, obuyaazaarwa n’ahu yaazaariirwe, enamba y’endanga-muntu, enamba ya paasipooti, enamba ei omuntu arikushashuriraho omushoro, ekishushani, amakuru agarikworekayaaba omuntu ari omu bushwere nainga ari wenka, ekitiinisa ky’omuntu, eihanga eriomuntu arikurugamu, kumanya yaaba ari omushaija nainga omukazi, n’omukono oguomuntu arikuta aha bihandiiko. 

7.2. Amakuru agarikukoresibwa kuhikiirira omuntu agarimu endagiriro ya email, ahu arikutuura, endagiriro ya posita, omwanya ogu omuntu arimu, endagiriro y’omwanyaogu omuntu arikutuuramu, n’enamba y’esimu. 

7.3. Amakuru g’ebyesente nka akaunti ya banka, kaadi y’okushashuriraho, ebihandiikoebirikworeka enkoresa ya mobile money, entaasya, amabanja ag’enyima, oku omuntuatwire naashashura amabanja, ebihandiiko bya banka ebirikworeka enkoresa yaakaunti, ebirikworeka oku orikushashura nainga oku orikushashurwa, n’ebindiebirikworeka ebirikugurwa n’obuheereza obu otungire kuruga omu kampuni yaitu.

7.4. Amakuru agarikworeka oku orikwejumba omu nshonga ezirimu okushabakushashurwa. 

7.5. Amakuru agarikukwata aha bizinesi ei orikukora n’ebintu ebirikureeta entaasya ebioine. 

7.6. Amakuru agarikukwata aha murimo gwawe nk’amaziina g’orikukukoresa, omurimoogu orikukora omu kitongore n’endagiiriro ya ofiisi. 

7.7. Amakuru agarikukwata aha baana nk’amaziina gaabo, obu baazaarwa, n’okworekaaboojo n’abaishiki. 

7.8. Amakuru g’omutaano agarikukwata aha muntu nk’okworeka omuntu yaaba ashwirenainga ashwirwe, ebirikushoboorora ebintu ebi aine, amagara g’omuntu na famire ye (nk’omuntu orikubaasa kuhikiirirwa n’abu orikureeberera). 

7.9. Amakuru agarikuranga ebyobuguzi agarimu ebi orikukunda otwariiremu amakurug’ebi turikuranga n’okumanyisa ebi orikwenda tugume nitukwoherereza. 

7.10. Amakuru agarikutungirwa aha intaneti waaheeza kwigura website yaitu na appuz’aha simu nka tekinorogiya yaitu erikutunga amakuru aha intaneti eya cookies, kutasyamu amakuru, endagiriro ei intaneti erikukoreraho (endagiiriro ei intanetierikukoreraho aha kompyuta yaawe), omuringo gwa puroguraamu erikureeta intaneti, tekinorogiya erikukoresibwa (ISP), eiziina rya puroguraamu erikukuhisyaho intaneti, obwire obu orikumara aha intaneti, ebi oigwire aha intaneti, n’ahu birikushangwa.

7.11. Amakuru agarikworeka omwanya ogu orimu: nitubaasa kushaba kutunga orusarw’okukuratirira kumanya omwanya ogu orimu kuruga aha simu yaawe, turikukikoraburiijo nainga waaba nookoresa appu zaitu ez’aha simu, nainga kukoresa obuheerezabwa tekinorogiya y’aha simu erikworeka omwanya ogu orimu. Waaba nooyendakuhindura ebiturikukoresa nainga orusa rw’okumanya omwanya ogu orimu, noobaasakukikora orikuhindura omu birikukorerwa aha simu yaawe ebirikumanywa nkasettings.

7.12. Kumanya ebirikukorerwa aha simu yaawe: nitubaasa kushaba kutunga orusarw’okukuratirira bimwe aha biri aha simu yaawe, ebirimu mesegi eziri aha simuyaawe, n’ebindi. Waaba nooyenda kuhindura ebiturikukoresa nainga orusarw’okumanya omwanya ogu orimu, noobaasa kukikora orikuhindura omu settingsz’esimu yaawe. 

7.13. Amakuru agari aha simu: nitutunga amakuru agarikuruga aha simu agarikwereetagonka (agarimu enamba erikumanyirwaho esimu, ekika ky’esimu, na kampuni ekozireesimu egyo), tekinorogiya erikukoresibwa omu simu, amakuru agarikworekaomuringo gwa tekinorogiya n’amakuru agarikworeka ebirikuhindurwa omu simu, enamba erikworeka esimu na appu z’aha simu, omuringo gwa puroguraamu erikureetaintaneti, abarikuha obuheereza bwa intaneti n’abarikuha obuheereza bw’esimu hamwen’endagiriro ei intaneti erikukoreraho erikumanywa nka Internet Protocol. Waabanookoresa appu zaitu, nitubaasa kutunga amakuru agarikukwata aha miringoy’obuheereza bwa neetiwaaka oburikukoresibwa aha simu yaawe, tekinorogiyaerikukoresibwa omu simu yaawe, ekika ky’esimu ei orikukoresa, enamba ei esimuyaawe erikumanyirwaho, n’amakuru agarikukwata aha birikukorwa aha appu zaitu ezioigwireho. 

7.14. Kukusindikira mesegi z’okukumanyisa: nitubaasa kukushaba kutwikiriza kugumanitukwoherereza mesegi z’okukworeka oku akaunti yaawe eyemereire, naingaebirikukwata aha appu. Waaba nooyenda kwemereza okutunga mesegi z’omuringoogu, noobaasa kuzishazamu orikurabira omu settings z’esimu yaawe. 

Haaba hariho ekyetengo ky’okutunga amakuru agarikukwata aha bantu abakwinehoakakwate, nitubaasa kukushaba kutuha amakuru agarikukwata aha bantu abo. Waaba noohaamakuru agarikukwata aha muntu ondiijo, nituteekateeka ngu noogyezaho kureeba nguomuntu ogwo naamanya ebirikugyenda omumaisho kandi naikiriza ku amakuru ago gatuheebwa. Nikibaasa kuba eky’omugasho waabooreka ekihandiiko ky’okurinda amakurueki, kandi baaba baine ebi barikwenda kubuuza, tuhikiirire kutumanyisa enshonga egi.  

8. Amakuru agarikukwata aha bantu nitugaha baahi? 

8.1. Nitubaasa kuha amakuru agarikukukwataho kampuni n’ebitongore ebiturikukorengana nabyo ebiri ahansi ya kampuni ya guruupu ya Watu kugakoresakurugiirira aha bigyendererwa ebi garundaanairwe. Amakuru agarikukwata aha muntunigabaasa kuheebwa abarikukorengana na kampuni ya Watu abarikwesigwa nkaabarikuha obuheereza, abarikukora ebintu ebirikuguzibwa, n’abandi abaine akakwatena kampuni ya Watu abarikworekwa ahaifo, kuhikiiriza ebigyendererwa. Nitwijakureeba ngu endagaano ezirikurinda amakuru zaakuratirwa kurinda amakuruagarikukukwataho twaba nitugooreka abandi abarikukwatwaho. 

8.2. Kurugiirira aha bugabe bwawe n’ebiragiro ebirikukuratirwa, nitubaasa kuha abandiamakuru agarikukukwataho, abarikworekwa ahaifo:

8.2.1. Ebitongore bya gavumenti nainga gavumenti kyaba nikyetengyesakurugiirira omu biragiro, haaba hariho ekyetengo kuruga omu gavumenti, ebitongore byoburinzi bw’eihanga, ebiragiro ebitairweho, kyabanikyetengyesa kukora aha mishango, nainga kuhikiiriza okushaba kwagavumenti.

8.2.2. Abantu nainga ebitongore abu oshabire ngu tubagane nabo amakuruagarikukukwataho. 

8.2.3. Amakuru gaaba nigeetengwa abanyabuzaare baawe, abarikukureeberera, nainga abantu abarikukora omu mwanya gwawe waaba oine obuzibu naingaahabw’ekigyendererwa ky’okushoboorora enshonga z’abantu abuorikureeberera. 

8.2.4. Kampuni za inshuwa, abarikuhikaanisa abarikuronda n’abarikwendaobuheereza ahabw’ekigyendererwa ky’okutunga obuheereza bwa inshuwa. 

8.2.5. Abakugu baitu abarikutuha obuhabuzi nk’ababazi b’ebitabo, abarikuhaburaaha by’emishoro, abarikuha obuheereza bwa inshuwa, abarikukora aha byamagara, nainga abandi abaine akakwate n’ebirikukorwa. 

8.2.6. Amarwariro n’abakugu abu turikubaasa kushaba ebihandiiko byawen’ebyokukyebera ahabw’ebigyendererwa by’omutaano. 

8.2.7. Ebitongore ebirikushashuza amabanja, ebirikukuratirira amabanja, ebirikukyebera obushuma oburikubaasa kubaho, nainga ebitongore ebindi ebituraakore nabyo endagaano kutuha obuheereza. 

Ku haakubaho okutwara amakuru agarikukukwataho omu mahanga ag’aheeru kugakoresa, nihaija kutaibwaho oburyo bw’okurinda amakuru agarikukukwataho omu myanya egyo. 

9. Nitubiika tuta amakuru agarikukukwataho? 

Kampuni ya Watu neekoresa oburyo bw’ekikugu kurinda amakuru agarikukwata aha bantukutakoresibwa abantu abataikiriziibwe hamwe n’okutangira okugabuza, kusiisikara naingakugira obuzibu.  

10. Nitwija kubiika amakuru agarikukukwataho kumara obwire burikwingana ki? 

10.1. Nitwija kubiika amakuru agarikukukwataho kumara obwire oburikwetengyesakuhikiiriza ebigyendererwa ebi tugakwihaireho, ebirimu okukoresibwa omukuhikiiriza ebyebiragiro, ebyemishoro, okworeka ebikozirwe, nainga kuha amakuru. 

10.2. Nitubaasa kubiika amakuru agarikukukwataho kumara obwire buraingwa twabatugabiikiire ebi: 

10.2.1. kyaba nikyetengyesa nainga kiragiirwe abarikukwatisa ebiragiro. 

10.2.2. kyaba nikyetengyesa kuhikiiriza ebigyendererwa ebirikwikirizibwa omubiragiro. 

10.2.3. waaba oriiwe oikiriize. 

10.2.4. kyaba nikyetengyesa ahabw’ekigyendererwa ky’okugarukamuokwetomboitwa okureesirwe nainga twaba nituteekateeka ngu harihoemishango erikubaasa kuhababwa eine akakwate n’enkorengana yaitu naiwe. 

10.2.5. kyaba nikyetengyesa ahabw’okutunga ebyafaayo omu bwirebw’omumaisho, kukoresibwa omu by’okworeka ebibaro, kukoresibwa omubihandiiko, nainga omu bitebyo nainga omu kucondooza. 

11. Niturinda tuta amakuru agarikukukwataho?  

11.1. Tutaireho oburyo burungi bw’okutangira amakuru agarikukukwataho kubura, kukoresibwa nainga kuhikwaho omu muringo ogutarikwikirizibwa, kugahinduranainga kugooreka abandi. 

11.2. Hoona nabwo nitukyendeeza aha migisha y’amakuru agarikukukwataho kuhikwaabakozi, ba agyenti, abu tukozire nabo endagaano kukora ebintu bitari bimwe, n’abandi abarikukwatwaho abaine ekyetengo ky’okugamanya. Nibaija kubaasakukoresa amakuru agarikukukwataho twaba tubaikiriize kandi nibaija kukikora baabanibahikiiriza obujunaanizibwa bw’okurinda ebihama. 

12. Oine bugabe ki nk’omuntu orikwihwaho amakuru kandi noobukoresa ota? 

Oine obugabe obu: 

12.1. kumanya ebiri omu makuru agarikukukwataho n’okugahika; 

12.2. kuhindura omu makuru agarikukukwataho; 

12.3. kusangura amakuru agarikukukwataho (obugabe bw’amakuru agarikukukwatahokwebwa) 

12.4. kuta enkomo aha kukoresa amakuru agarikukukwataho; 

12.5. kuzibira okukoresa amakuru agarikukukwataho;

12.6. kutunga amakuru agarikukukwataho omu muringo ogu gahandiikirwemu, oburyooburikukira kukoresibwa oburikubaasa kushomerwa aha byoma, kandi kyabanikibaasika, kugasindika omu bitongore ebindi; 

12.7. kuhayo okwetomboitwa kwawe omu ofiisi y’eihanga erikurinda amakuruerikumanywa nka Data Protection Office omu Uganda hamwe n’omu kitongoreekirikukuratirira amakuru omu ihanga erindi ahu okuhenda ebiragiro nainga ekindikyona ekyakubaasa kukorwa aha makuru gaawe twakubaasa kukikorera.  

Waaba nooyenda kukoresa obugabe bwawe, nooshabwa kutusindikira email aha ndagiriroegi: vmusiimire@watuafrica.com

Hariho enshonga ezirikubaasa kukurugiiriraho obutakoresa bugabe bwawe, okukiramunonga kyaba nikyetengyesa omu kuhikiiriza ebiragiro nainga obujunaanizibwa bwaitu. 

13. Ebi turikukora kurinda amakuru

13.1. Twehaireyo kandi n’obujunaanizibwa bwaitu kutaho oburyo bw’okurinda amakuruagarikukwata aha bantu obutareebwa bantu abandi. 

13.2. Amakuru agarikukukwataho gaaba nigaza kukoresibwa abantu abandi abatari bakampuni ya Watu omu kuhikiiriza ebigyendererwa ebyorekirwe omu kihandiiko eki, n’omu birikwetengyesa omu biragiro, nitugyezaho kureeba ngu byakorerwa omuburyo oburi omu ndagaano kuhikiiriza ebirikukuratirwa omu kurinda amakuru. 

13.3. Enkoresa ya website yaitu erinzirwe omu buryo bwa tekinorogiya erikugyendera aha nkoresa nungi erikwikirizibwa omunsi yoona. 

14. Nitwiha amakuru aha baana abatakahikize myaka 18? 

14.1. Twaba nitumanya ngu omuntu takahikize myaka 18 titurikumwihaho makuruagarikumukwataho nainga kumukoresa emirimo erimu okuguza n’okugura. 

14.2. Twaba nitumanya ngu omuntu takahikize myaka 18, titurikumushaba makuru naingakumushaba kumuta omu bizinesi z’obuheereza bwaitu. Waakooresa obuheerezabwaitu, nooyeyoreka nk’omuntu oine haakiri emyaka 18 nainga ori omuzaire naingaorikureeberera omuntu otakahikize myaka 18 kandi noikiriza ku omwana waawenainga omuntu ou orikureeberera akoresa obuheereza bwaitu. Twaheza kukimanya nguamakuru gaaheebwa omuntu otakahikize myaka 18, nitwija kushazamu akaunti egyokandi tuteho oburyo bw’okusangura amakuru ago kuruga omu bihandiiko byaitu. Ku waakumanya ngu hariho amakuru agatungirwe kuruga aha baana abatakahikize myaka18, nooshabwa kutumanyisa orikurabira aha ndagiiriro ya email egi: vmusiimire@watuafrica.com

15. Omuntu kukoresa email yaitu kukora emirimo, n’ekihandiiko ekirikushoboorora aha kukyebera email 

15.1. Okuha amakuru okuturikukora n’okukoresa ebyoma ebirikuha amakuru nibikorwaahabw’okukora bizinesi. Kwonka nitumanya ngu abakozi baitu obumwe nibakoresaebyoma kuhikiiriza ebigyendererwa ebyabo ebitari bya kampuni. 

15.2. Abakozi kukora kuhikiiriza ebigyendererwa ebyabo kurimu okutunga email zaabokuruga aheeru n’omu kampuni ya Watu. N’obu abakozi baitu barikukorera aha biragiroebirikuta obukomo n’okutaho oburyo bw’okutaho oburinzi omu kukoresa ebintu byakampuni, titwine bujunaanizibwa aha birikuhandiikwa omu email ezi abakozibarikusindika barikukoresa ebyoma bya kampuni.

15.3. Nooshabwa kwetengyereza ngu nitubaasa kutanga, kukyebera, n’okusanguraamakuru goona agahandiikirwe, agabiikirwe, ogoohereziibwe nainga agatungiirwe aha byoma byaitu kurugiirira aha biragiro ebiine akakwate n’enshonga egi. 

16. Endagiriro

Tutaireho omuntu orikukurira okurinda amakuru oine obujunaanizibwa bw’okwakiiraebiibuzo ebiine akakwate n’ekihandiiko ky’okurinda amakuru. Waaba oine ebi orikwendakubuuza ebiine akakwate n’amakuru agarikukukwataho, ebibuuzo ebirikukwata aha kihandiiko ky’okurinda amakuru eki hamwe n’okushaba kukoresa obugabe bwaweoburikukuheebwa omu biragiro, nooshabwa kutuhikiirira orikukoresa endagiriro ezi ahaifo: 

Endagiriro ya email: vmusiimire@watuafrica.com

Endagiriro ya posita: P.O. Box 16225 Kampala Uganda

Endagiriro ya ofiisi zaitu: Plot 2 Bukoto Street

Enamba y’esimu: +256 764394394

Obu ekihandiiko kyatandika kukora: Kibanza Okwakana, 2024 

Ekihandiiko eki ekirikushoboorora okurinda amakuru n’ebihama kihererukire kuhindurwamu:(Kibanza Okwakana, 2024)  

1 (1)

WATU CREDIT UGANDA LIMITED: EKIHANDIIKO KY’OKUMANYISA AHA BIRIKUKWATA AHA KURIINDA AMAKURU N’EBIHAMA

OMURINGO GW’EKIHANDIIKO: V.1.1

ABARIKUKWATWAHO: ABANTU BOONA

Get a Logbook loan with Watu Gari